注册 登录  
 加关注
   显示下一条  |  关闭
温馨提示!由于新浪微博认证机制调整,您的新浪微博帐号绑定已过期,请重新绑定!立即重新绑定新浪微博》  |  关闭

wendy

`

 
 
 

日志

 
 
关于我

靜靜生活 慢慢老去 ...

网易考拉推荐

老百姓去政府辦事眞的不容易呀,會被過程折騰的你半死....  

2011-02-12 20:25:37|  分类: 個人日誌 |  标签: |举报 |字号 订阅

  下载LOFTER 我的照片书  |

一直都唔得閒返去鄉下申請探親證,今年春節趁老公年假返去申請.

初六打電話咨詢好公安局幾時返工,清楚晒所有嘢之後.

初七朝早七點係屋企出發,五個鐘就返到樂昌,諗住下朝兩點半等公安局一返工,就可以即刻辦理..

影印齊所需資料,到公安局返工,即刻窗口提交資料.

就在呢刻窗口工作人員告知,要辦理探親證,先要申請夫妻團聚先可以申請探親證.

審理員然後丟了一張申請辦理程序嘅單張給我睇,呢個行為令到我好起憤,他講都懶得同妳講,等你自己慢慢睇...好彩手上的資料都全齊!

以為可以好順利咁辦理,原來唔係想象中咁簡單嘅..

政府部門嘅政策邊會咁便利你啲平民百姓呀,攞份表俾妳填,諸多要求、警告語氣對妳說、份申請表唔可以劃花同塗改架、攞多一張都唔俾..

到妳填好份表俾佢,佢又話妳知,妳份申請表要返去户口當地派出所蓋章先可受理,那時已經是下午4點多幾.

聽到那話眞係氣暈、點解我攞表填個時佢唔同我講呢.點解係都等我嘥咗咁多時間填好晒份表你先話我知呢.激出煙....

返去當去派出所來回要一個幾鐘,好無奈..一定要第日先得...

初八一早攞住份申請表返去當地派出所蓋章,往往打算不如天算,死人派出所,年初八啦竟然仲未正常返工!

又激爆,本身諗住可以一日就搞定嘅嘢,宜家睇怕需時三日,於我死哀爛哀個值班員,問佢有冇其它辦法可以搵公章管理人員..

值班員最後同我講,公章管理人員下午四點可能就會返,妳到時在打個電話嚟派出所咨詢,冇辦法只有等!

於是我哋就返去屋企等,等到三點幾打電話去派出所,班人返咗,我哋又即刻趕過去,呢下諗住,就蓋個章好快,仲有時間落去公安局..

去到派出所,見到所為嘅人,俾份申請表佢睇,佢話妳份表要派出所領導簽名我先可以幫妳蓋章.

我低聲下氣咁問、咁領導係唔係度呢,佢答、領導剛剛有事出去啦,邊有咁瞧的事情,分明就係百般刁難,我知道呢啲貪人,我塞佢紅包.

之後呢啲貪人先幫我入資料,之後打咗一個電話俾所為嘅領導,所為嘅領導不是派出所而是另外一個地方、

而我就過去那地方找所為領導簽名,之後我倒回派出所蓋個章,份申請表蓋到那個章已是5點幾啦!

蓋那個章又用咗一個多小時,天啊、這時什麽世道呀,就那麽幾個字蓋一個章要花一個多小時,小百姓的時間不是時間,只好又等第日...

我們啲小百姓要求啲倌做事情眞的非常艱苦,還被那些倌玩弄得妳團團轉、我第一次領教..

初九一早落去公安局,全部嘢都齊晒啦、遞啲資料入去、諗住實冇死、一定ok..

點知...仲係有一様嘢做落咗,就係户口簿個人資料頁,未婚,要改未已婚,個項冇改到,審理員告知不予辦理.

我問審理人,我要點要做,佢話我知要點點、

於是要即刻返當地派出所,係返去嘅途中,老公好激氣媽媽××鬧過不停,而激到冇嘢講!

呢啲所為為人民服務嘅政府,點解唔可以清楚明白咁話人知要點做點做,唔通佢哋冇清楚講人知嘅职責咩...

紅好彩嘅係,可能因為收咗我嘅紅包,返去當地派出所,貪人好快就幫更改!

改完落去公安局從新提交,這次終於受理了,經過一輪核實,終於完成..

到接受辦理,攞住份回執行出公安局大門,深深咁吸咗啖氣....

呢個過程我真係永世難忘,難忘政府部門工作人員對人的那种工作態度,難忘政府部門對人百般刁難嘅行為....

眞係可笑,乜也方便於民便利民,鬼.......

 

 

 

 

  评论这张
 
阅读(138)| 评论(16)
推荐

历史上的今天

评论

<#--最新日志,群博日志--> <#--推荐日志--> <#--引用记录--> <#--博主推荐--> <#--随机阅读--> <#--首页推荐--> <#--历史上的今天--> <#--被推荐日志--> <#--上一篇,下一篇--> <#-- 热度 --> <#-- 网易新闻广告 --> <#--右边模块结构--> <#--评论模块结构--> <#--引用模块结构--> <#--博主发起的投票-->
 
 
 
 
 
 
 
 
 
 
 
 
 
 

页脚

网易公司版权所有 ©1997-2017